1. Skip to Menu
  2. Skip to Content
  3. Skip to Footer>

Xəbərlər

MSK seçki ilə bağlı 13 adda plakatlar çap etdirib

PDF faylını alÇapE-poçt

Posted on 27.09.10

Mərkəzi Seçki Komissiyası Milli Məclisə noyabrın 7-də keçiriləcək seçki ilə bağlı 13 adda plakatlar çap etdirib. Komissiyanın mətbuat xidməti rəhbəri Azər Sarıyev AzərTAc-a deyib ki, maarifləndirici, səsverməyə çağırış, seçici siyahıları ilə bağlı məlumatlandırıcı xarakterli bu plakatlar dairə seçki komissiyalarına göndərilib.

MSK sözçüsü onu da diqqətə çatdırıb ki, plakatların, seçici siyahılarının, eləcə də deputatlığa namizədlərin təbliğat materiallarının tarixi mədəniyyət abidələrinin üzərinə, muzey binalarına, dövlət və hakimiyyət strukturlarının binalarına yapışdırılması qanunla qadağandır.

Read Article

100 nəfərin namizədliyi qeydə alınıb

PDF faylını alÇapE-poçt

Posted on 27.09.10

Mərkəzi Seçki Komissiyasından AzərTAc-a verilən məlumata əsasən, sentyabrın 26-dək dairə seçki komissiyaları 1100 nəfərin namizədliyini qeydə alıb. İmza vərəqələri götürən 1041 nəfərdən 144-ü sənədləri dairə seçki komissiyalarına qaytarıb. İndiyədək 19 nəfər DSK-lara müraciət edərək namizədliyini geri götürüb.

MSK-ya parlament seçkilərini müşahidə etmək istəyən 460 nəfər müraciət edib. Bütün müraciətlər Komissiya tərəfindən bəyənilib. Bu barədə Trend informasiya agentliyi Azərbaycan MSK-nın şənbə günü yayılan məlumatına istinadan xəbər verir.

Qeydə alınan müşahidəçilərin 29 nəfəri xüsusi icazə alan, 338-i öz şəxsi təşəbbüsü, 40-ı Ombudsman Aparatından, 39-u siyasi partiyaların təşəbbüsü ilə, 14-ü isə QHT-lərdən olan müşahidəçilərdir.

Bütün ölkə üzrə seçkiləri müşahidə etmək istəyənlər üçün sənədlər oktyabrın 28-dək qəbul edilir.

Müşahidə üçün dairəni müəyyənləşdirən və Mərkəzi Seçki Komissiyasında qeydiyyatdan keçən müşahidəçi noyabrın 2-dək müvafiq seçki komissiyasına müraciət etməlidir.

SMDT seçkilərdə müşahidəçi olmaq istəyən vətəndaşlara hüquqi və texniki yardım göstərir. Indiyənədək, 200-ə yaxın vətəndaşın səədləri MSK-ya təqdim olunub. Onlardan 65-i artıq müşahidəçi lövhəsi ilə təmin olunub.

Read Article

MSK ödənişsiz efir vaxtı və dərc üçün yer ayrılacaq KİV-lərin siyahısını açıqlayıb

PDF faylını alÇapE-poçt

Posted on 24.09.10

MSK ödənişsiz efir vaxtı və dərc üçün yer ayrılacaq KİV-lərin siyahısını açıqlayıb

Mərkəzi Seçki Komissiyası noyabrın 7-də keçiriləcək parlament seçkilərində seçkiqabağı təşviqat aparmaq məqsədilə siyasi partiyalara və bloklara ödənişsiz efir vaxtı və dərc üçün yer ayrılacaq KİV-lərin siyahısını açıqlayıb.

Media Forum saytının verdiyi məlumata əsasən, siyasi partiyalar və blokların irəli sürdüyü namizədlər üçün İctimai Televiziya və Radio Yayımları Şirkəti, “Azərbaycan”, “Xalq qəzeti”, “Respublika” və “Bakinski raboçi” qəzetlərində pulsuz efir və dərc yeri ayrılacaq.

 

Ödənişsiz efir vaxtı və dərc üçün yer seçki dairələrinin 60-dan çoxunda namizədləri qeydə alınmış siyasi partiyalara və ya siyasi partiyaların bloklarına şamil olunacaq.

“Adıçəkilən KİV-lər, o cümlədən digər teleradio verilişləri təşkilatları və dövri nəşrlərin redaksiyaları seçkiqabağı təşviqat üçün ödənişli efir vaxtı və yaxud dərc üçün yer ayrılmasının mümkünlüyünə dair qərar qəbul etdikdə, bu barədə Azərbaycan Respublikası Mərkəzi Seçki Komissiyasına müvafiq bildirişlər göndərməli, efir vaxtının verilməsinə və dərc üçün yerin ayrılmasına görə ödənişin əsasları, şərtləri və məbləği barədə məlumatları seçkilərin təyin edilməsi haqqında qərarın rəsmi dərc edilməsindən sonra, ən geci, 30 gün keçənədək dərc etməlidir. Təşviqat subyektləri müəyyənləşdirildikdən sonra, bu məlumat qanunla müəyyən edilmiş qaydada onlara da göndərilməlidir.” – MSK mətbuat katibi Azər Sarıyev Media Forum saytına bildirib.

Read Article

SMDT Naxçıvanda uzunmüddətli müşahidəçilər üçün təlim keçirib

PDF faylını alÇapE-poçt

Posted on 24.09.10

Seçkilərin Monitorinqi və Demokratiyanın Tədrisi Mərkəzi (SMDT) Naxçıvan şəhərində  7 noyabr parlament seçkiləri ilə bağlı uzunmüddətli müşahidəçi olmaq istəyən vətəndaşlar üçün təlim keçirib. Böyük Britaniyanın Azərbaycandakı səfirliyinin dəstəyi ilə təşkil olunan təlimdə iştirakçılar uzunmüddətli müşahidəçiliyin aparılması, strukturu, hüquqi bazası, namizədlərin qeydiyyatı, imza toplama prosesi, seçki komissiyalarının fəaliyyəti barədə məlumatlandırılıb.

SMDT indiyədək Bakı, Gəncə, Sumqayıt, Göyçay, Mingəçevir, Beyləqan, Lənkaran, Xaçmaz, Şəki, Sabirabad rayonlarında 80 uzunmüddətli müşahidəçi üçün 12 təlim keçirib.

Təlimlərin başlıca məqsədi vətəndaşların seçki prosesinə cəlb olunması yolu ilə seçkilər üzərində vətəndaş nəzarətinin yaradılması və seçki kampaniyası dövründə müşahidəçiliyin təşkilidir.

Ümumilikdə, təşkilat seçki prosesini müşahidə etmək üçün Azərbaycanın 11 regionunda 125 seçki dairəsini əhatə etməklə 80 nəfər uzunmüddətli müşahidəçi ilə əməkdaşlıq edəcək.

Qeyd edək ki, SMDT həmçinin vətəndaşlara seçki komissiyalarında müşahidəçi kimi qeydiyyatdan keçmələri üçün hüquqi-texniki yardım edir.

Təlimdə Böyük Britaniyanın Azərbaycandakı səfiri xanım Karolin Broun və səfirliyin əməkdaşları da iştirak edib.

7 noyabr 2010-cu ildə keçiriləcək parlament seçkiləri ilə bağlı SMDT-nin başlıca hədəfi vətəndaşların seçki prosesinə cəlb olunması yolu ilə, seçkilərin milli qanunvericilik və beynəlxalq standartlara uyğun və seçicilərin iradəsini əks etdirən qaydada təşkilinə yardım etməkdir.

Read Article

124 DSK-da 745 nəfərin namizədliyini təsdiq edilib

PDF faylını alÇapE-poçt

Posted on 23.09.10

Dairə seçki komissiyaları ölkə üzrə 125 seçki dairəsinin 124-dən 745 nəfərin namizədliyini təsdiq edib. AzərTac-ın Mərkəzi Seçki Komissiyasına istinad edərək yaydığı məlumatlara əsasən, namizədliyi təsdiq olunmuş şəxslərdən 673-ü imza vərəqəsi alıb və onlardan 19-u doldurulmuş imza vərəqələrini və digər zəruri sənədləri müvafiq DSK-lara təqdim ediblər.

Media Forum saytının  verdiyi məlumata əsasən 4 nəfər öz namizədliyini geri götürüb.

7 Noyabr 2010-cu ildə keçiriləcək Parlament Seçkilərinə 7 sentyabrda start verilib.

Read Article

Limon Tour World Guide Tranzito